遊:懶人瀨戶内海

都說京都是一次甚至一年遊不完的,今次行程就是追加京都 + 瀨戸内海 scouting,下次再深度攻島。

  • 行程:day 1-3 京都,day 4 小豆島,day 5 豊島,day 6 直島,day 7 倉敷 + 大阪,day 8 回程。
  • 住宿:京都 airbnb 近京都駅,其餘全部酒店。
  • 衣著:1 月冬天,除了第 1 日京都飄過雪,其餘時間晴天/無雨。本人怕凍,而今次全程冇凍親或熱親,好精準。好重要所以要重覆:gore-tex 有帽褸及鞋係必須。全套衣著為:
  • 有特別想去的地方,記得 check 關門/店休日子時間。
  • 照片及地址可參考本人 ig(按向左箭咀)

前文說過,京都就是 ICOCA 卡 + 的士,順着 google maps 遊,不贅。以下只列出景點及評語。

day 1

KIX – haruka 快車至京都 – 鎖行李京都駅

  1. 伏見稲荷大社(快靚正唔洗行,有嘢食有廟拜有符買,千本鳥居必影但超多人)
  2. 蔦屋書店(不建議,感覺被騙)
  3. 平安神宮(意外地又靜又靚,但若非去附近的蔦屋,絕對有可能改去 day 2/3 的景點)
  4. 茂庵(必去的森林 café,不幸當天有一大班好嘈的日本 aunties。店在大文字山附近,沿途種了很多檸檬,有趣)
  5. 虎屋菓寮 京都一条店(有流水草地鳥居小庭園、落地窗牆,強烈推介)
  6. 木と根 kitone(陶瓷家品迷必去,但座位極少。請注意店休日)

day 2

  1. 瞓到勁晏,於是近近地到京都国立博物館三十三間堂七條甘春堂(超出名四季景色手工羊羹,並有免費和菓子體驗)
  2. 去八坂の塔前的 %arabica 排隊等勁耐買了杯咖啡,便到何必館
  3. 古書と茶房(絕對不可以製造任何聲響,想傾偈勿去)
  4. Cafe Bibliotic Hello!(兩層高樓底十分有型,建議日頭去。甜品不錯,聽聞飲品 [非咖啡] 更佳)
  5. 壹銭洋食(本人必去)
  6. 酒朱(whisky bar)

day 3

  1. 金閣寺(唔洗點行就到「景點」,但好多人,不妨預少少時間於 café 食個 tea)
  2. ぱんだの散歩(熊貓丸子店,超細又唔就腳,但超好味,店主英文叻又 friendly)
  3. 嵐山 %arabica(已經太多人識,感覺 barista 們好忙又好冇癮)
  4. 嵐山よしむら(望川 soba 店,超好食,排隊等都抵)
  5. 三忠(唔食佢嘅芝麻豆腐對唔住自己)
  6. 然花抄院(去之前唔知佢咁出名,落地長窗外有盆景花園及 art gallery,和菓子好食之餘,包裝更超級 stylish,手信首選)
  7. D&DEPARTMENT KYOTO by 京都造形芸術大学(位於「本山佛光寺」内嘅 café + shop,有少量個性手信 [freitag 產品、自家咖啡豆、本地農產 etc.] 可選)
  8. 江戸正(隱世鰻魚名店,但估唔到鰻魚肝好食過 bando taro 鰻魚,嗌啤酒會有小小下酒菜,我一個人吃的價錢約為 HKD600)
  9. 酒朱(encore,相信唔洗多解釋)

day 4-6

今次快遊瀬戸内海純屬探路,少少心得如下:

  1. 搭船其實唔難(個人認為重易過喺倉敷搭地鐵,詳見下文),不過始終係班次少,最緊要事先揀好時間、嚴格守時趕船,中間去玩乜就見步行步。
  2. 到瀨戶内海,就等同去睇一個跨島美術展──請勿抱「一次過玩晒」的心態。不過,再「隨心」都要 check 清楚各美術館/展品的開放時間
  3. 島巴(バス)時間表好似好嚇人,但萬一夾唔啱諸如此類,其實截順風車都好安全。好多人踩單車,不過上斜嘅路都幾甘,自己衡量啦!
  4. 準備現金,但老實講又真係洗唔到幾多錢,一程巴士只係 ‎¥230。

day 4 小豆島

小豆島係最大離島,一早預咗玩唔晒,所以只係住一晚酒店,睇 エンジェルロード/天使の散歩道/angel road。

交通:京都 – JR 岡山至宇野港 – 搭船 – 小豆島(土庄港)

最初睇資料,不知道應該由姬路、新岡山港抑或宇野搭船,很混亂。另外,啲人講到好 Q 複雜(又要計用乜 pass 最平 etc.),最終我選擇一路坐 JR。由岡山至宇野 JR 有 2 種車:一種直到,另一種於「茶屋町」走到對面轉車,很輕鬆;但仍應事前到 West JR 網站 check 班次(事先須查好要去的站的英文名),抵達宇野的時間夾到船班,可減少等船時間(宇野港很僻,只有一間便利店)。

船(ferry フェリー):開船前 20-30 分鐘才有人賣飛,萬一見到個吉 booth 唔洗驚。最緊要見人就問,船公司職員非常 friendly,以及一睇就知你想做乜;講清楚目的地,佢實會指啱你去邊個位。如由酒店出發,問定酒店職員就 OK。

順利到了小豆島,我選擇搭的士(一到碼頭竟然有三架的士等客,真係唔洗慌)由碼頭去酒店(但其實酒店可預約 shuttle bus)。車程很短,5 分鐘左右。

酒店:小豆島国際ホテル – 絕.對是最佳選擇,所有房對海、對 angel road,安坐房中欣賞日落每一刻景色變化,舒服寫意。

  • 酒店有收費大眾湯(¥150)。1 個望海「戶外」浴場、1 個室内(兩個池)浴場,一早一晚會調轉(因為分開男湯/女湯)。如果夾啱時間就一早一晚都浸,咁先可以試晒兩邊。
  • 浴場外便是手信店,可穿着浴衣慢慢揀嘢食(暖氣充足);另一邊竟然有個小型 arcade,有幾部太鼓の達人之類老少咸宜遊戲同埋 vending machine,算係咁!
  • 酒店房非常大(我揀咗有 tatami 廳),窗亦大。廁所略舊,但其實泡湯已沖過涼,廁所是次要。

angel road:就係一個連島沙洲,不過唔知點解一啲都唔悶。由酒店後園通道過去僅幾十步。可從一條短短的樓梯走上「約束の丘展望台」影 pano 相,上面掛滿祈願貝殼牌。沙洲盡頭是一個岩島、一大堆樹、又一大堆祈願貝殼咁。注意:我係 1 月冬天去,日落時分影相會背光,手機撚其實朝早去會光猛啲,但就冇夕陽嘅浪漫。

潮退時間(潮退前約 1 小時已可見到條路):www.shodoshima-kh.jp/angel

day 5 豊島 – 直島

整日交通:小豆島酒店 shuttle bus 至碼頭(土庄港)- 搭船 – 豊島(唐櫃港) – 豊島美術館 – 心臓音のアーカイブ – 巴士至豊島橫尾館 – 豊島(家浦港) – 搭船 – 直島

am: 豊島

唔 stay 豊島嘅原因,主要是島上民宿沒有網頁。我由 10:00 豊島美術館開館至 15:45 乘船離開,三個景點很足夠,還剩少少時間在碼頭小店買手信。

  • 先讚讚唐櫃港碼頭對出的單車店,嬸嬸很友善,不但免費為我存放行李,還叫老公開車送我到美術館!
  • 豊島美術館:十分值得去,很美,但主館内不准影相,大家要守規矩。冬天 café 天窗會加玻璃蓋,影相有缺憾,但也無可奈何⋯⋯
  • 心臓音のアーカイブ:ummm 我覺得很無聊,但沿途踏單車很舒服(由美術館落斜步行返回碼頭租單車),會經過一片空地(内有展品 multibasket 及叮噹石像)、唐櫃八幡神社及大量民居(請大家 shut up,不要騷擾到居民)。
  • 豊島橫尾館:很小,但很值得去看横尾忠則的作品。
  • 還想去 café il vento 和海のレストラン,但兩者都關門,應該是非藝術祭時期就唔做生意。網頁:www.chc-co.com

pm: 直島

行程:日落黃色南瓜、瞓

酒店:benesse house

由豊島到了直島,便見到酒店的 shuttle bus。碼頭就是紅色南瓜,但我沒去照相,臨走等船時再照吧。

  • 這家酒店,本身已是一間美術館,而且非常近黃色南瓜、李禹煥美術館和地中美術館。一晚近 ¥30,000,但我就算一個人住也覺得值。酒店房不算大(就價錢而言),但設備齊全又時尚,大落地窗連木 deck 露台,望出去是擺放了藝術品的草地和一片海,夫復何求。我覺得白浴缸已有疲態,大家想去趁早。而服務真的沒話說,酒店本身有住客專用巴士,我 miss 了車,他們還特登開車送我到景點。
  • 黃色南瓜:就是一場等人影完自己影的戰役。
  • 酒店的小商店⋯⋯準備大買特買草間彌生手信吧。

day 6 直島 – 岡山

行程:李禹煥及地中美術館 – 直島銭湯「I♥湯」- 碼頭附近快食 – 紅色南瓜 – 搭船至宇野 – JR 至岡山。

am: 直島

  • 李禹煥地中:必去。請記得館内也是不准拍照。個人比較喜歡李禹煥。由李禹煥沿海回酒店途中也有不少露天展品,自己發掘。
  • 碼頭附近的婆婆食店⋯⋯很普通。大家最好 plan 行程時鎖定一兩家值得去的餐廳,否則碼頭 café 算了。
  • 臨上船前,施施然影紅色南瓜,時間綽綽有餘。
  • 遺憾地,直島已十分多香港和大陸遊客(只能怪草間彌生),我想我未必會再去。

pm: 岡山

岡山是一個大轉車站,可以想像是一個乾淨、有型的日本版紅磡吧。岡山駅内就連着大型商店食肆區,不愁沒地方逛。

酒店:ana crowne

  • 這是最最近岡山駅的酒店,出車站經行人天橋步行 2 分鐘直達。
  • 酒店房很小,但窗超大,設備齊全,雪櫃内放滿免費飲品,solo travel 絕對超值。

day 7 倉敷 – 大阪 – KIX

am: 倉敷

由岡山坐 JR 到倉敷,沿大路步行 10 分鐘可到著名的倉敷美観地区。

  • 倉敷美観地区是幾條建築物古色古香的街,中間一條河,若遇上櫻楓兩季一定美到爆裂。
  • 小店很多很多,喜歡買東西的人一定流連忘返。這兒的布製品和陶瓷非常有名。
  • 我特別抽了時間在郵局寄 postcard。

萬萬想不到,由倉敷乘車到大阪,竟被 JR office 職員老點買了慢車票,最慘是因為我沒行程要趕,一時鬆懈沒 check 車票!然後,沿途只見下課後的日本學生妹上車,四周景致盡是在森林和原野,心知不妙⋯⋯結果搭回頭車返岡山,急急補錢再買新幹線。大家記得指明要買新.幹.線

pm: 大阪

順路到固力果先生本家 章魚燒biotopsaturday surf NYC,然後便於新大阪站乘尾班車到 KIX 的 nikko 酒店

酒店:機場酒店就是又貴又刻薄,幸好住在沒鬧鬼的 north wing,否則不堪設想!

Advertisements

2 thoughts on “遊:懶人瀨戶内海

Leave a Reply

Please log in using one of these methods to post your comment:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s